Thursday 26 August 2010

အချည်းနှီးပိတောက်


လှလိုက်တာကွယ်

ဝင်းဝါထိန်ရဲ ၊ ဆုပ်ခဲရွှေငုံ

စုပြုံပွင့်ကြ ၊ ပေါ်ဦးစရှင့်

လှ ၊ လှပါဘိ ၊ နှုတ်ခမ်းဖိကပ်

နမ်းမိ ချစ်မိ ၊ ပိတောက်နွယ် ။


ပိတောက်ဦးမို့

ယစ်မူးတသ ၊ နှမြောလှရဲ့

ဘ၀ချစ်သူ ၊ မိုက်မှာယူထင့်

မလှူရက်ဖူး ၊ တပ်မက်ဦးမည်

ဆုထူးမဆင် ၊ ဘုရားမတင် ။


ပိတောက်ပွင့်နွယ်

ရင်ဝယ်ပွေ့ပိုက် ၊ ၀မ်းမြောက်လှိုက်လှဲ

အိမ်ထဲပြေးခဲ့ ၊ ကြည့်ပါလှဲ့ဦး

မောင့်ရဲ့အနား ၊ စကားစလဲ

ပြုံးမြဲလျက်ပင် ၊ မောင်မမြင် ။


မောင်မမြင်၍

ငိုချင်ထွက်ခဲ့ ၊ ငဲ့မကြည့်တော့

ညွတ်ကော့မြိတ်စက် ၊ အိမ်ပြင်ထွက်၍

သင်းညက်ပျံ့လှိုင် ၊ ပိတောက်ခိုင်ကို

ပွေ့ကိုင်ရပ်ဆဲ ၊ မိုးဖွဲဖွဲမှ

သဲမဲကြမ်းရိုင်း ၊ မုန်တိုင်းရမ်းလဲ

မဆန်းကြယ်ဘူး ထင်မိ၏ ။ ။

(ကြည်အေး)

No comments:

Post a Comment