( Hans Christian Andersen ၏ "The Little Mermaid" ကိုပြန်ဆိုသည် ။)
မြဝတီ မဂ္ဂဇင်း ၁၉၅၄ နိုဝင်ဘာ
အတွဲ-၃ ၊ အမှတ် ၁ ။
Thursday, 21 October 2010
ရေသူမကလေး
( Hans Christian Andersen ၏ "The Little Mermaid" ကိုပြန်ဆိုသည် ။)
မြဝတီ မဂ္ဂဇင်း ၁၉၅၄ နိုဝင်ဘာ
အတွဲ-၃ ၊ အမှတ် ၁ ။
Tuesday, 14 September 2010
သီတို့ရွာ
သီတို့ရွာ
" နေသာရင် သိပ်ကောင်းမှာ၊ ဒီနားတစ်ဝိုက်ကို အနှံ့လျှောက်ပြနိုင်မှာ၊ ပြီးတော့ ပင်လယ်ထဲလည်း သွားနိုင်တာပေါ့ " ဟု သီက စကားစပါသည်။
" ဒီလောက်မိုးကို ကျွန်မတို့ဆီမှာ မိုးလို့ မခေါ်ပါဘူး " ဟု ကျွန်မက ရယ်မော၍ ပြောပါသည်။ ပြောရပေမည့် ကောင်းကင်မှာ ညှိုအုံ့ပြာမှိုင်းကာ မိုးသည်းကြီးရွာမည်လို့ ထင်ပါသည်။ စိတ်အနည်းငယ်ရှုပ်မိသည်။ သို့သော် လေခတ်သည်နှင့် မိုးတိမ်များလွင့်စင်ကာ နေရောင်တွေကို တလက်လက်မြင်ရပါသည်။
ကွင်းသည်လည်း အပြာရောင်မှ အစိမ်းရောင်သို့ ကူးဆဲ၊ အဝေး၌ ပြာနှမ်းသောပင်လယ်သည် ကျောက်စိမ်းသား၊ မြသားပမာ လဲ့ကြည်နေသည်ကို ဘွားခနဲ မြင်လိုက်ပါ၏။
" ဟော ......ဟိုမှာ ပင်လယ်မဟုတ်လား "
" နောက်တော့ ပင်လယ်ကိုရောက်မယ်လေ၊ ခု ကိုယ်နေတဲ့ ရွာသူရွာသားတွေရဲ့ အကြောင်းကို သိရအောင် တစ်အိမ် နှစ်အိမ် ၀င်ဦးစို့ " ဟု သီက ပြောပါသည်။
သီရဲ့ရွာမှာ တစ်အိမ်နှင့် တစ်အိမ် အနည်းဆုံး တစ်မိုင်ခန့်ဝေးသည်မို့ အိမ်နီးချင်းချင်း စကားပြောချင်လျှင် ဖုန်းနှင့်ပြောရပါမည်တဲ့။ ပြီးတော့ ဖြုန်းခနဲ ကျွန်မတို့သည် ၀ါသနာချင်းတူညီသော ဓာတ်ပြားအကြောင်းကို ပြောလျက်ရှိကြသည်။
ထိုစကားကို ဟောသလို စမိသည် ထင်သည်။
" ခုလို လေထန်ရင် သစ်ပင်တွေဟာ ကိုင်းညွတ်ပြီး လူတွေကို ငုံ့စကားပြောချင်တယ်လို့ ထင်တယ် " ဟု သီက ဆိုသည်။
" သူတို့ရဲ့ လက်ချောင်း ခြေချောင်းတွေဟာ သွယ်ပျောင်းလို့ "
" သစ်ရွက်တွေကလည်း ညိုးညံလို့ "
ကျွန်မက ငေးမောစွာပင်
" ကျွန်မတို့ဆီမှာ စိန်ပန်းပင်ဆိုတာ ရှိတယ်၊ အရွက်ကလေးတွေ စီလို့ ၊ သီရောက်တုန်းက သတိထားခဲ့မိမလား မသိဘူး၊ ရန်ကုန်ယူနီဘာစီတီဝင်းထဲမှာ နွေဆိုရင် လှိုင်နေတာပဲ၊ ရဲနေအောင်ပွင့်တယ်၊ ကျွန်မကတော့ မိုးဦးမှာ ရွက်စိမ်းတွေ ဖြာတုန်းလေက ပင့်လိုက် ကစားလိုက်ရင် ရွက်ဖြာစိပ်စိပ်ကလေးတွေ အပြေးကလေးလှုပ်ရှားတော့ ပီယာနိုခလုပ်လေးများကို တီးလိုက်သလိုပဲ မြင်ရတယ်၊ လေရဲ့မမြင်သာတဲ့ လက်ချောင်းသွယ်သွယ် အရာအထောင်နဲ့ပေါ့ "
" ကျွန်မလက်တွေလည်း ဒီနီးပါးတော့ သွက်ပါလိမ့်မယ် " ဟု သီက ငြူစူဟန်လုပ်ပြပြီး နှစ်ယောက်သားရယ်မောကြ၏။
" ဟုတ်တယ် ......သီ ပီယာနိုတီးတာ ကောင်းကောင်းနားမထောင်ဖူးသေးဘူး "
" ငယ်ငယ်ကတော့ ပီယာနိုတီးသူ ဖြစ်ချင်တာပဲ၊ ခုထိလည်း ဖြစ်ချင်တုန်းပဲ၊ ကိုယ့်မှာသာ ကလေးရှိရင် ပီယာနိုတီးသူ လုပ်ခိုင်းမှာပဲ၊ သူက မလုပ်ချင်ရင် ဒုက္ခပဲလို့လည်း တွေးတယ်၊ ဒါကြောင့် ကလေးမရအောင်ဘဲ နေတော့တယ် "
" ကျွန်မငယ်ငယ်ကတော့ အဆိုတော်ဖြစ်ချင်တာပဲ၊ ခုထိလည်း ဖြစ်ချင်တုန်းပဲ၊ ကျွန်မ ကလေး ၆ ယောက်ထဲက ၁ ယောက်ဟာ ဂီတ ပညာသည်ဖြစ်ပါစေလို့ ဆုတောင်းရုံပဲ တောင်းဝံ့တယ် "
ကျွန်မတို့သည် ခဏတိတ်ဆိတ်ပြီး ကျွန်မကပင် စတင်၍ သတိရပါသည်။
" သီ.....မနုဟင် မောင်နှမရဲ့ ဒီလာထွက်ဓာတ်ပြား ကြားရပြီးပြီးလား၊ ကျွန်မကတော့ နှစ်ပြားတောင် ၀ယ်ထားတယ်၊ ရူးတယ်ထင်ချင်လည်း ထင်တော့၊ တစ်ချပ်ကိုဖွင့်၊ တစ်ချပ်ကို သိမ်းဖို့ "
" ဘီသိုဗင်ရဲ့ ဆိုနာတာ ကိုးနဲ့ငါး မဟုတ်လား "
"ဟုတ်တယ်၊ ကျွန်မကတော့ အဲဒီသာယာလှတဲ့ ဂီတတစ်မြုံကိုကြုံရင် သီတို့ ခရစ်ယာန်တွေ ဘုရားခသင်ကို ကျေးဇူးတင်တာ နားလည်မိတယ်၊ ဂီတပေးတဲ့ ပျော်ရွှင်မှုကို ကိုယ်နဲ့ မတန်တဆ ရလေတော့ ဘုရားသခင်ရဲ့ ဆုလဘ်ပဲလို့သာ ဆိုချင်တာ။ အံ့သြစရာ မဟုတ်ဘူးလေ၊ ကျွန်မကတော့ လူ့ဘ၀ကို ကျေးဇူးတင်ရတယ် ခေါ်မလား၊ ဘ၀တဏှာကြီးမားလှချည်လားလို့ ကြောက်ကောင်းကြောက်ရမလား မသိပါဘူး "
" ဟုတ်တယ်.....လင်ကိုချစ်တယ်၊ သားသမီးကိုချစ်တယ်ဆိုတာက တစ်ခဏ ကြုံကြိုက်လာတဲ့ ဘ၀ကို တွယ်တာရုံပဲ၊ ဘ၀တဏှာဆိုတာကတော့ လုံးတီးပဲကျန်ဦး၊ အယုတ်ဆုံးဆိုတဲ့ ဘ၀က မထွက်ချင်တဲ့ တွယ်တာမှုကိုး ..."
" မျှော်လင့်ချက်ဆိုတဲ့ ပန်းချီကားလိုပေါ့ "
သီက ပြန်၍ကောက်ရပါသည်။
" ဘေသိုဗင်ရဲ့ ပီယာနိုနဲ့တယော တွဲတီးဖို့ စပ်ခဲ့တဲ့ ဆိုနာတာ ၁၀ ပုဒ်ထဲမှာ အဲဒီ ငါးနဲ့ ကိုးဟာ အထင်ရှားဆုံးပဲ၊ ကိုယ်တို့ ငယ်ငယ်က အဲဒါတီးတဲ့ အဆင့်တောင် ရောက်ခဲ့ပါရဲ့၊ ကိုးက ခက်တယ်၊ သိမ်မွေ့နက်နဲတယ်၊ ငှက်ကလေး လည်ချောင်းက ထွက်တဲ့ အသံကလေးတွေပါတယ်၊ ငါဒကတော့ နွေဦးရဲ့ အလှကို ပျော်စရာကောင်းအောင် ပြထားတာပါပဲ "
" သိပ်ချစ်ဖို့ ကောင်းတာပဲ သီရဲ့၊ အဲဒီ ဆိုနာတာ ငါးမှာ ရှဲဖိုးဆိုတဲ့ သွက်သွက် မြူးမြူးတီးရတဲ့ တတိယအပိုဒ် ကျတော့ တယောဆရာက ပီယာနိုကို စည်းတစ်စည်း နောက်ကျပြီးတီးတာ ......ပြေးသူက ပြေး၊ လိုက်သူက လိုက်........ခြေညီတော့ ပန်းထွက်က တစ်လှမ်းနောက်ကျနေတာ......ပန်းဝင်ကျတော့လည်း တစ်လှမ်း နောက်ကျနေသလို၊ ရဟူဒီနဲ့ ဟက်ဇီးဘားဆိုတဲ့ မောင်နှမက ပညာချင်းပြိုင်တာထက် မေတ္တာရှေ့ထားပြီး တစ်ယောက်ကိုတစ်ယောက် စ နေ သလိုပါပဲ "
သို့သော် ပင်လယ်၏ တေးကို တကယ်ကြားခဲ့ပြီးမို့ သီက သတိရကာ စကာားစ ဖြတ်ပါသည်။
" ဟောဒီအိမ်ကို ခဏ၀င်ရအောင်၊ ဒါ ကိုယ့်ရွာပဲ၊ ကိုယ့်ရွာဦးက အိမ်ပေါ့ "
လေပါ၍ ထန်လာပါသည်။ ကားပြင်သို့ရောက်လျှင် အလွန်အေးမြသည်ကို လည်း သတိထားမိသည်။ ကားထဲ၌ ကျန်ခဲ့သော ကုတ်အင်္ကျီကို ပြန်မယူလိုတော့ဘဲ အောင့်ခံမည် စိတ်ကူးနှင့် ထူထဲသောဆွယ်တာကို အားကိုးကာ ကျဉ်းမြောင်းသော ခြံတံခါးဝမှ ၀င်ခဲ့၏။ ခြံမှာ ရှုပ်ရှုပ်ပင်။ ပန်းတစ်ပွင့်တလေကို လည်း မမြင်ရ။
အိမ်ထဲမှ ထွက်လာသော ဦးကြီးရွယ်နှင့် ဒေါ်ကြီးရွယ်လင်မယားက ပျူပျူငှာငှာနှုတ်ဆက်ကာ အိမ်တွင်းသို့ အတင်းခေါ်ပါသည်။
" အပြင်မှာ အေးလှတယ်၊ အိမ်ထဲဝင် ........အိမ်ထဲဝင် " ဟု အတင်းဆိုပါသည်။
သို့နှင့် ကျွန်မက ခြံထဲမှာ ကြည့်စရာမရှိဘဲ.....လှည့်ပတ်ကြည့်ဆဲ၊ ကြီးဒေါ်က
" သြော် ယောက်ျားကလည်း ဟိုကလေးမ အေးလှရော့မယ်၊ ခေါ်ခဲ့ပါ၊ ဘာပင်တွေများ ပြနေပါလိမ့် " ဟုဆိုသည်။
ကျွန်မက ချမ်းလို့တုန်နေသော်လည်း
" မအေးလှပါဘူး၊ ၀င်ခဲ့ပါ့မယ်၊ ခဏပါ " ဟုတ် ပြောရပါသည်။
အိမ်တွင်းသို့ဝင်လျှင် ဘယ်တော့မှ ပြတင်းဖွင့်ပုံမရသော ဧည့်ခန်းမှာ နွေးလွန်းပြီး မီးဖို၌ ထင်းတုံးကြီးများစိုက်ကာ မီးခိုးအနည်းငယ်အူသည်ကို ကြုံရပါသည်။ မီးဖိုဘေး၌ ကြီးဒေါ်က ၀ိုင်အနီတစ်ပုလင်းကို နွှေးပါသည်။ ပြီးတော့ တစ်ပုလင်းကုန်လု နီးပါးပင် ဝေငှသောက်ကြရပါသည် ။
သီက ကျွန်မ၏ မျက်နှာကို ပြုံး၍ကြည့်ပြီး ကြီးဒေါ်နှင့် ဦးကြီးကို ငှက်ကလေးများအကြောင်း မေးလေသည်။
ကြီးဒေါ်က အလိုအလျှောက် ခြံတွင်းသို့ရောက်လာပြီး ယဉ်နေသောအစာ လာစားတတ်ကြသည့် တစ်ချက်တစ်ချက် အရဲစွန့်၍ အိမ်တွင်းသို့ဝင်တတ်သော ငှက်ကလေးများအကြောင်း ပြောသည်။
" ဟိုဘက်ခြံက မိန်းကလေးကတော့ အတော်ရက်စက်တယ်ဆိုရမယ်၊ ငှက်လာတာ ညစ်ပတ်တယ်ဆိုပြီး အသိုက်တွေ ဖျက်ပစ်တယ် သီရဲ့ " ဟု ကြီးဒေါ်က ဆိုဆဲ ဘကြီးက ခုနပင်လာနားသည့်ငှက်ကလေးများကို လေချွန်၍ ခေါ်ပါသည်။ အိမ်ဝင်ပေါက်မှာ အစာဖြန့်ကြဲ၍ မျှားပါသည်။ ငှက်ကလေးများကမူ ဧည့်သည်ကျွန်မတို့ရှိလို့ထင့်၊ သွေးဆောင်၍မရပါ။ ၀ူးခနဲ ပျံပြေးကြပါသည်။
အင်မတန် လူနေကျဲသော ရွာမှာမို့ထင့်။ ကျွန်မတို့ နှစ်ယောက်လာလည်သည်ကို ဘကြီး၊ ကြီးတော်လင်မယားသည် ၀မ်းသာမဆုံးရှိဟန်ပြကာ စကားပြောမဆုံးရှိကြပါသည်။
" သီ့မိတ်တွေကြီးရဲ့ စာအုပ်ထွက်လာတာ ဖတ်ပြီးပြီးလား " ဟု ကြီးဒေါ်က မေးသည်။
" ဖတ်ပြီးပါပြီ၊ သူတို့ စာအုပ်အကြောင်းပြောဖို့တော့ မတွေ့ရသေးဘူး " ကျွန်မဘက်သို့လှည့်၍ " သီ့မိတ်ဆွေကြီးဆိုတာ ကြည်လည်းတွေ့ဦးမှာပေါ့၊ မနက်ဖြန်မြို့ အတူတူပြန်ဖို့ ချိန်းထားတယ်၊ ဟောဒီဘကြီးနဲ့ ကျောင်းနေဖက်ပေါ့ " ဟု ပြောပြသည်။ ပြီးတော့ ကျွန်မ မဖတ်ရသေးသော စာအုပ်ကိုရေးသည် ကျွန်မ မတွေ့ဖူးသေးသည့် သူ့အကြောင်းဆွေးနွေးကြပါသည်။ ကျွန်မ မပျင်းရိအောင် ရှင်းလင်းချက်ကလေးများလည်း ဘေးလှည့်ပြီး ထုတ်ကြသည်မို့ ယဉ်ကျေးဖွယ်ရာမှုကို ကျေးဇူးတင်ရပါ၏။
ခဏကြာလျှင်တော့ ၀ိုင်အရက်နီကလေးနှင့် နွေးပြီး နေထိုင်လို့ကောင်းလာစဉ်မှာ သီက ခရီးဆက်ဖို့ ထိုင်ရာက ထပါသည်။
ကားပေါ် ပြန်ရောက်၍ ပင်လယ်ဘက်သို့ ဆင်းလက်လာလျှင် သီက ပြော၏။
" သူတို့ လင်မယားနှစ်ယောက်မှာ သားသမီးလည်း မရှိဘူး၊ ကြည် မြင်တယ် မဟုတ်လား၊ ဘယ်လောက်ဧည့်သည်ကို လိုလားနေတယ်ဆိုတာ၊ သူတို့ နှစ်ယောက်ဟာ အနှစ်ဆုံးဆယ်ကျော် အတူတူနေလာကြပြီး ခုတော့ တစ်ယောက်နဲ့တစ်ယောက် ချစ်လျက်ခင်လျက်နဲ့ပဲ အပျင်းကြီးပျင်းနေကြတာပေါ့ "
" အဘိုးကြီးက ဗဟုသုတကြွယ်တယ် " ဟု ကျွန်မက ပြောဆဲ " အဘွားကြီးကလည်း သိပ်ပြီးနှံ့စပ်လှပြီ မဆိုနိုင်ပေမဲ့ မယားတစ်ယောက်အနေနဲ့ ကျေနပ်စရာပဲ၊ အဘိုးကြီးလုပ်ချင်တာကို အလိုလိုက်ရုံမက ကြိုးစားပြီး အတူဝင်လုပ်ကြတာပဲ၊ ခုတော့ ငှက်ကလေးတွေ အကြောင်းပဲ ပြောနေတာ တစ်နှစ်လောက်ရှိပြီလေ " သီက အနည်းငယ်တွေဝေနေပါသည်။ ကျွန်မကတော့ အိမ်ရှိသားသမီး ၆ယောက်ကို သတိရလျှက်ရှိသည်။ ထိုနောက် ကျွန်မတို့သည် ရွာကလေး၏ တစ်ခုတည်းသော ဓာတ်ဆီဆိုင်၌ ရပ်နားကြပါသည်။ နေရောင်ခြည်သည် ပြိုးပြက်လာပါသည်။ သီက နှစ်လိုဖွယ် အပြုံးနှင့်
" နေရောင်ခြည်ကို မြို့က ယူခဲ့သလား " ဟု ကျွန်မကို မေး၏။ ခရီးဆက်မိလျှင်
" ကြည်.....ဗာဂျီးနီးယား ၀ုဖ် ( Virginia Woolf ) ဆင်းသေသွားတဲ့ မြစ်ဆီသွားရအောင် " ဟု ပြောသည်။ ကျွန်မက ခပ်ပေါ့ပေါ့ပင် ကားပေါ်က မဆင်းချင်လှသော်လည်း ခေါင်းညိတ်လိုက်ရာ မြစ်ကမ်းစပ်၌ ရပ်မိကြလျက်သား ရှိလေသည်။ မြစ်ရေကို ကြည့်ရင်း တွေးမောမိပါသည်။
ဤမြစ်ရေသည် လရောင်ဖြာ၍ ကြယ်ပွင့်များငြိတွယ်သည့် တောင်ထွတ်ဖျားမှ လျှောကျစီးဆင်းခဲ့သည် ထင်၏။ ထို့ကြောင့်ပင် သူ့တေးသံလန်းရွှင်လျှင် ကျေးငှက်တို့ သွက်လက်သည်ဖြစ်ရမည်။ သူ့အရောင်သည် ကောင်းကင်ညှို့မှိုင်းနှင့်လိုက်၍ ပြားနှမ်းလျှင် သစ်ပင်ကိုင်းခက်တို့ ညွတ်ယှက်ဖြာကျ ညည်းတွားကြသည် ဖြစ်ရမည်။ သူဖွာရရာကြဲရွင်၍ နေခြည်တွင် လက်လျှင်မူကား လောက၌ ထူးဆန်းအံ့သြဖွယ်တို့ ဖြစ်ထွန်းကြသည် ဖြစ်ရမည်ပင်။
ထို စိမ်းရွှင်သွက်ကြည်သော မြစ်ရေစပ်၌ သီနှင့် ကျွန်မတို့ ရပ်လျက် အတန်ကြာ နေခဲ့ပါသည်။ လေသည် မြစ်ရေစပ်၌ အမြဲတမ်း ထန်းလျက်နေသည်ထင့်။ ရေတစ်ပိုင်းကုန်းတစ်ပိုင်း ပေါက်လျက်ရှိသော မြက်ပင် ရှည်တို့သည် ယိမ်းနွဲ့ပျောင်းညွတ်လျက် နေပါသည်။ ဂယက်ဝိုင်းများနှင့်အတူ ထောင့်များ၊ ပြောင်းများပါသော ဂယက်များ စိတ်စိတ်ထလာပါသည်။ ဂယက်များ သည်တင်နေသည်လေလား အရပ်တစ်ပါးသို့ မျောကြလေသလား......။
" သူနဲ့ ကိုယ်နဲ့ ဒီအတိုင်းပဲလာပြီး ရပ်လေ့ရှိကြတယ် " ဟု သီက ဖြုန်းခနဲ စကားစပါသည်။
" သူနဲ့ အင်မတန်ခင်ခဲ့တယ် ဆိုရမှာပေါ့၊ ရွယ်တူတော့ မဟုတ်ပါဘူး၊ သူက ကိုယ့်အစ်မကြီးအရွယ်၊ ဒါမှမဟုတ် အဒေါ်ငယ် အရွယ်ပဲ " " သီနဲ့ ကျွန်မလိုပေါ့ " ဟု ကျွန်မက ထောက်ဆဲ။
" ဟုတ်တယ်.......အင်း " ဟု သီက ကြက်သီးထဟန် ပြပါသည်။ က သူ့အမူအယာကို နားလည်သလိုလို ထင်ရပါသည်။
သီ့မိတ်ဆွေသည် ယခု ကျွန်မတို့လာရပ်စဉ်က နေရာင်ခြည်သည် သူ့ရဲ့ကွေ့လိမ်သော ဆံရွှေညိုထဲ တိုးဝင်နွေးထွေးခဲ့မည် ထင်သည်။ သူ့ရဲ့အရစ်အကြောင်းထင်စ မျက်နှာပြင်ကို ထွန်းလင်းစေခဲ့ဦးမည်။ ကြာပွင့်ရဲ့ ကျက်သရေကို သူ့မျက်နှာက ဆောင်လေမည်လားဟု ကျွန်မ ယစ်မူးတွေးတောမိပါ၏။ " သူ့စာအုပ်တွေကို တော်တော်ဖတ်ဖူးလား " ဟု သီက မေးပြန်ပါသည်။ ကျွန်မက ရှက်ကြောက်စိတ် အနည်းငယ်ဖြင့် " သိပ်တော့ မစုံလင်လှဘူး၊ 'ပိုးဖလံသေဆုံးခြင်း ' အစရှိတဲ့ ဆောင်းပါးတွေတော့ ဖတ်ဖူးပါတယ် " တကယ်တော့ ကျွန်မ ကောင်းစွာ မမှတ်မိပါ။ ကြာမြင့်စွာက ဖတ်ခဲ့ရပြီး ဂရုတစိုက်မရှိခဲ့သည့် အတွက်ဟု ထင်ပါသည်။ စာဖတ်ရာမှာ စနစ်မရှိသည့် အတွက်လို့လည်း လျှောက်လဲချင်သေးသည်။ ကြီးပြင်းခြင်းမြန်သူမို့ အရင်က မကြိုက်ခဲ့ဖူးသည်ကို အခု ဘယ်စိတ်ထားမည်လဲမသိဟု ကိုယ့်ဘာသာ မရှက်မကြောက်ပင် ကျိန်၍ချီးမွမ်းစိတ်နှင့် နေပြန်ပါသည်။
သီက ကျွန်မ၏ နီလာသော မျက်နှာကို မကြည့်ဘဲနေပါသည်။
" အဲလေ စိတ်ဝင်စားပုံတော့ ဘယ်တူမလဲ၊ ကိုယ်က သူနဲ့ တစ်ရွာတည်းနေတယ်၊ သူ့အကြောင်းကို အများနည်းတူသိတယ်၊ အဲဒီအပြင် မိတ်ဆွေရင်းအနေနဲ့ သူများထက်မက သိတာ၊ ရိပ်မိတာ၊ မှန်းဆတာတွေ ရှိတယ်ပေါ့ "
သီနဲ့အတူ ဒီမှာရပ်နေခဲ့ဖူးသူသည် အနီးဆုံးအိမ်နီးချင်းကို တွေ့လိုလျှင် တစ်မိုင်ခွဲသွားမှတွေ့ရသော ပင်လယ်ကမ်းခြေရှိသည့် ရွာငယ်ကလေး၏ ကွင်းအနိမ့်အမြင့်များမှ အော်ဟစ် ညည်းညှူမြဲရှိသော လေကို တိုး၍ လေလွင့်သွားလာခဲ့သည်လားမသိ။ ထိုအခါ ကျောက်ဆောင်ချွန်တတ် ထိုးထွက်သော ပင်လယ်စပ်၌ သူ၏ ရုပ်ပွားကို တွေ့ခဲ့သည်လော၊ စိတ်ပွားကို တွေ့ခဲ့သည်လော။ လူ့ဘ၀၍ မောဟလျော့ပါးခဲ့သည် ဆိုသည်ပင် မေ့ပျောက်ခြင်းလျော့ပါးသည်တည်း။ ထိုအခါမှာ ပျော်ရွှင်ခြင်းဆိုတာ ဘယ်မှာ ရှာနိုင်တော့မည်လဲ၊ သူ့ရဲ့ ဘုရားသခင်သည် ကျွန်မတို့ရဲ့ ရက်စက်မှကြေကွဲသော ဗုဒ္ဒွတရားပမာမှ ဖြေငြိမ်းနိုင်ရာကို ပြခဲ့နိုင်လေရဲ့လား၊ တေးသံဖြင့် ပြွန်းသော ကြယ်ပေါင်းရံခသည့် သုခကောင်းကင်ဘုံကိုသာ အရိပ်အယောင်မျှ ညွန်လေသလား....။
သူသည် တိမ်တိုက်တို့ဖြင့် လိုက်ပါကာ ကမ္ဘာအနှံ့လှည့်ပတ်၍ သူ ရှာလိုရာကို ရှာလိုစိတ်တော့ ပေါ်မည်ပင်။ ဒါကို အချို့သောသူသာ စိတ်ဝင်စားနားလည်နိုင်ပါလိမ့်မည်။ သီ နားလည်လိမ့်မည်။ ကျွန်မ နားလည်သည် ထင်ပါသည်။ သူ့ကိုချစ်သော လင်သည်ကလည်း တားရမယ် မဟုတ်၊ သူ့အသိုင်းအ၀ိုင်းကလည်း တားရမယ်မဟုတ်။ သူ ရှာလိုရာကို၊ ရှာချင်စိတ်ကို ကန်တော့ပြီး ဆုမွန်ကောင်းတောင်းကြမည်ပင်။ အကြောင်းမူကား သူတို့သည်လည်း ကျားရှေ့မှောက်သို့ တစ်နေ့ရောက်အောင် သွားချင်သွားမည့်သူများမို့ပေတည်း။
" အဲဒီအချိန်မှာတော့ သူ့ကို တားဖို့ ဆွဲထားဖို့က နောက်ကျနေပြီ၊ ( ဘယ်သူကတော့ တကယ်တမ်းဆို ဆွဲထားချင်မှာလဲ ) သူ့ခင်ပွန်းသည်ကတော့ မတတ်နိုင်တော့ဘူးဆိုတာ သိပေမဲ့လည်း လောကထုံးစံအရ ဆရာဝန်ကို ခေါ်ရတော့တာပါပဲ "
သူဟာ ဆရာဝန်ကို အံ့သြစိတ်နဲ့ ကြည့်ခဲ့လေသလာား။ သူ့ဘာသာ သူတော့သိလေသည်။ သည်အချိန်ကို မာရ်နတ်နှင့် တွေ့တယ်ခေါ်ရမလားဟု သူစဉ်းစားခဲ့သည် ထင်သည်။ ဖော့စ်လို သူ ယစ်မူးသည်မဟုတ်သဖြင့် မာရ်နတ် သူ့ကို လာဝယ်သည်တော့ ဟုတ်မည် မထင်ချေ။ ဘုရားသခင်ရဲ့ ဒေါသလေလား၊ သနားမေတ္တာလေလားတော့ သူ မဝေခွဲနိုင်။ တကယ်တာ့လည်း လှုပ်ရှားသော စိတ်များသည် အတူတူသာတည်း။ ဒေါသတိုတာလည်း သည်ပုံပင်၊ သနားမေတ္တာဆိုလည်း သည်ပုံပင်။ သူသည် လူတို့၏သတိဟူသော အနှောင်အတည်းမှလွတ်ကာ ထိုကြီးမားသော အထုအထည်ကို ရင်ဆိုင်စဉ် အင်မတန် သေးနုပ်လှသည့် လူတို့ရဲ့ အမှုတစ်ရပ်ဖြစ်သော ဆရာဝန်ဆေးပညာဆိုတာက သူ့ကို ဘယ်လို အကျိုးပြုနိုင်မှာလဲ။
ပင်ပန်းလိမ့်မယ်ဆိုတာတော့ သိ၏။ သို့သော် အစွမ်းကုန်လျှော့လိုက်၏။ သို့လျှင် အစွမ်းကုန်အောင် ကြမ်းသောတိုက်ပွဲဖြစ်ပေါ်လေ၏။ သူ့ကို လင်သည်နှင့် ဆရာဝန်က ၀ိုင်း၍ချုပ်ရသည်ကိုလည်း သိ၏။ လူအပေါင်းကတော့ တွန့်လိမ်လူးလွန့် ကျန်ရစ်သောရုပ်ကိုသာ မြင်ကြားရမည်။ ဝေဖန်ကြမည်။ သူကတော့ ပင်လယ်စပ်က ချောက်ကမ်းပါးစွန်းသို့ ပြေးတတ်ခဲ့ခြင်း ဖြစ်လေ၏။ အမြင့်သို့ ရောက်လေ တွန်းလှဲမတတ် တွေ့သည်။ သူသည် ကျလျှင်လည်း ကျပစေဟူသောစိတ်ဖြင့် လေမှာလွင့်ကာ သူ့ပါးပြင်များ၊ နားရွက်များကို ယုယသိုင်းခြုံကြလေသည်။ လက်နှစ်ဖက်ကို ပိုက်ဖက်ပြီး ဘုရားသခင်ကို ရဲဝံ့စွာရင်ဆိုင်ကာ မျက်နှာစေ့စေ့ကြည့်လိုက်ခြင်းဖြင့် ရပ်၏။
မိုးကြိုးကို သူ ကြုံရမည်ဆိုလည်း ကြုံရလို၏။ ကြောက်ခြင်းမရှိ။ အကြောင်းမူကား ၀င်းလက်လိုက်သော လျှပ်အလင်းရောင်၌ မြင်ရသော သဏ္ဌာန်ကို သူမှတ်သားမိမည်မှာ သေချာသောကြောင့် ပေတည်း။ ဒါသာ အရေးကြီးသည်။
ချောက်ကမ်းပါးသို့မကျပဲ အိမ်သို့ သူ ပြန်လာလျှင်တော့ သတ္တိမွေးသော မျက်နှာထားရှိသည့် လင်သည်ကိုလည်းကောင်း၊ ဆေးထုံးတံဆေးကြောပြီးသော ဆရာဝန်ကိုလည်းကောင်း သူ တွေ့ရလေသည်။ သူသည် မောပန်းလျလျ ပြုံးမြဲပင်။ လင်သည်နှင့်ဆရာဝန်ကို သူကပင် နှစ်သိမ့်လိုသည်။ သူ့ကို နှစ်ယောက်လုံးက နားစေလိုတာ သူသိပါသည်။ သို့သော် အထူးသဖြင့် သည်အချိန်မှာ သူမနားနိုင်။ သူသည် တုန်တခိုက်ခိုက်ဖြင့် ထ၍ စာကြ ည့်ခန်းသို့ ၀င်ခဲ့၏။ တံခါးကန့်လန့်ရှိသမျှကို အကုန်ချ၏။ ပြတင်းပေါက်၌ ခိုရပ်ပြီး ပင်လယ်ဆီ တစ်ချက်ကြည့်သေး၏။ ထို့နောက် ထူးဆန်းအံ့သြကြေကွဲဖွယ်ရာများ စတင်လေသည်။ အကြောင်းမူကား သူ့ဝေဒနာနှင့် ရင်းနှီး၍ရသော စာပေကို လူ့လောကအား သူဖွင့်အန်ရေးချသော ကြောင့် ဖြစ်လေသည်။ " သူ့မှာ သားသမီးရှိရင် သူ့ဖြစ်ပုံဟာ တစ်မျိုးတစ်ဖုံ လာမလား မသိဘူး " ဟု သီက တွေးထင်လေသည်။ " နည်းနည်းလေးသာ ကွဲလွဲနိုင်ပါလိမ့်မယ်" ဟု ကျွန်မက ပြော၏။ ဘာကြောင့်လဲဆိုတော့ ချစ်သူဆိုတာရော၊ သားသမီးဆိုတာရော၊ ညီအစ်ကို မောင်နှမဆိုတာရောဟာ သံသရာရဲ့ လူ့ဘ၀တစ်ချီမှာ မတော်တဆကြုံတွေ့ကြခြင်းပဲလို့ ထင်ပါတယ်။
" သားသမီးရှိခဲ့ရင် အင်အားကြီးတဲ့ မေတ္တာတစ်ရပ်ကိုတော့ သူ ကြုံဖူးမှာပေါ့၊ သူ့ကို ကောင်းကျိုးပေးမဲ့ ကိစ္စလည်း ဖြစ်ချင်ဖြစ်မှာပေါ့ "
" ဒါတော့ ဟုတ်ပါတယ် " ဟု ကျွန်မက ၀န်ခံလိုက်ပါသည်။ သို့ပေမဲ့ သူ့လင် ယောက်ျားက ရပ်ကြည့်ရုံသာ တတ်နိုင်တဲ့ အခါမျိုးမှာ သားသမီးကကော ဘာထပ် လုပ်နိုင်ဦးမှာလဲ၊ သူ့အဖို့ သူ့ကို သဘောပေါက်နိုင်ပါ့မလား၊ သတ္တိမွေးပြီး ရပ်ကြည့်နေနိုင်ပါ့မလားလို့..........သားသမီးတွေအတွက် ငဲ့ညှာပူပင်တဲ့ စိတ်ဒုက္ခသာ ပိုရုံရှိတော့မှာပေါ့။
တစ်ခါတစ်ရံ သူ အင်မတန် မောလျှင်တော့ သားသမီးကို ထွေးပိုက်၍ အများနည်းတူ အေးချမ်းညင်သာသော ဘ၀ကို သူ တောင့်တရှာပေလိမ့်မည်။ သို့ပေမဲ့ သည်ဘ၀အဖို့တော့ သူ့ကံကြမ္မာဖန်တီးပုံကို ပြောင်းလဲလို့ရတော့မည် မဟုတ်။ သူ့လိုပင် ရွှေပန်းနှင့် ငရဲပန်းကို တစ်လှည့်စီ ဆင်ပန်ရသည့် မိတ်ဖော်များကို သတိရ၏။ သူတို့အထဲမှာ ပန်းချီဆရာဗင်ဂို့ရ်ှကို သူ အသနားဆုံးပင်၊ ဗင်ဂို့ရှ်၌ မိမိကဲ့သို့ လူတို့အလယ် သို့ ပြန်ရောက်လာလျှင် ချစ်ခင်ကြင်နာသော၊ စောင့်စားရပ်တည်နေသော ချစ်သူ မရှိခဲ့။ လင်သည်ကို ကျေးဇူးတင်ပါသည်။ သူ စောင့်စားနေသည်ကို မြင်ရသောကြောင့်ပင်။ လူတို့အလယ်ရှိ မွေးကြိုင်ပြုံးချိုသော ပန်းပွင့်များ၊ စကားများသော ငှက်ကလေးများကို သူ ဆက်လက်ချစ်ခင်မြင်တွေ့စိတ်ကျန်တာ အမှန်ပင်။ သို့မဟုတ်က ဗင်ဂို့ရ်ှလိုပင် သူသည် လူတို့အလယ်သို့ ပြန်ရောက်ချင် ပြန်ရောက်လာသည့် သတိပျက် ယွင်းပေတော့မည်။
" သူ စိတ်ရောဂါကုဆေးရုံသို့ မသွားချင်ဘူးလား " ဟု ကျွန်မက မေးလျှင် သီက
" သူဟာ ဟောဒီမြစ်စပ်ကို လာတတ်တယ်၊ ကျွန်မနဲ့ တစ်ခါ သည်နားမှာ ရပ်နေဖူးတယ်၊ ဒီမြစ်ကနေပြီး သူ ခရီးထွက်မယ်ဆိုတာ ပြောပြဖူးပါတယ်၊ သူ့ယောက်ျားကတော့ ပူပန်တာအမှန်ပေါ့၊ ဒါပေမဲ့ တစ်နေ့သွားရမဲ့ခရီး၊ မငြင်းသာတဲ့ခရီးကို ကိုယ်ကြိုက်တဲ့နည်းနဲ့၊ သွားခွင့်ရှိတယ်လို့လည်း မဆိုနိုင်ဘူးလား "
" ကျွန်မလည်း ဒီလိုထင်တာပဲ၊ ဒါကို ပိတ်ပင်တဲ့ဥပဒေကတော့ ယဉ်ကျေးမှုတစ်ရပ်သာဖြစ်ရမယ်လေ " သီကဆက်လက်ပြောပြပါသည်။ သူသည် တဖြည်းဖြည်းနှင့် လူတို့ရပ်ရွာမှ ထွက်ခွါသွားခြင်းများ နီးကပ်လာသည်။ သူ့ဘာသာသူ သတိထားပြီး ရုန်းကန်ငြင်းဆိုခြင်းလည်း ဖြစ်လာသည်။ အကြောင်းမူကား ဝေဒနာနှင့်လူနှင့်မမျှသောကြောင့် ဖြစ်ရမည်ပင်။
သူ့ဘာသာသူ သတိထားလေတော့ လင်သည်ကို အချိန်မီကြိုလို့ပြောနိုင်လာသည်။ နှစ်အများ လွန်ခဲ့သည့် တစ်ချိန်တစ်ခါကတော့ လင်သည်ခမျာသည် ပြုံးရွှင်ရုံမျှမက ဥာဏ်ပညာထက်မြက်သော၊ တစ်ပါးသောမိန်းကလေးများထက် စာပေအတတ်ပညာ တစ်ရပ်သာသော သူချစ်သည့်သတို့သမီးကို ယခုလို ဘေးအန္တရာယ်နှင့် ကြုံဟန်ကို မြင်ယောင်မိမယ် မဟုတ်ဟူ၍ စာနာသနားမိ၏။ သူ ယခုတလော တွေးမိသည်မှာ လင်သည်အကြောင်းသာ ဖြစ်လေသည်။ သူ့တစ်ယောက်အဖို့တော့ ပူပင်ခြင်းမရှိ။ ကံကြမ္မာကို သူ မြင်ပြီးသားဖြစ်သည်။ တုန်လှုပ်ခြင်းလည်းမရှိ။ သူတကာနှင့်မတူ၊ ဆိုးရွားသည်ဟုလည်း ယူကျုံးမရ မဖြစ်။ လောက၌ဖြစ်တတ်သော အရာလို့သာ ထင်၏။ ပြီးတော့ ထိုအချိန်အခါများသည် သူ မြတ်နိုးသောစာရေးမှုနှင့် ခွဲခွါလို့ရသည် မဟုတ်သောကြောင့် သူ ကျေနပ်သည်။ ဒါကိုတော့ လူအနည်းငယ်ခန့်ကသာ နားလည်လိမ့်မည်ထင်သည်။ သို့သော် သူမောပြီးဆိုတာတော့ အမှန်ပင်။ လင်သည်ကို သနားအားနာစွာဖြင့် ပြောရ၏။ ထိုင်းမှိုင်းလေးလံစွာ မေ့ပျောက်အိပ်ပျော်သော ဆေးကိုပေးမည့် ဆရာဝန်ကို ခေါ်စေရ၏။ ထို့နောက် သူသည် အခန်းတွင်းသို့ဝင်၍ တံခါးအလုံပိတ်ကာ စောင့်မြဲပင်.........။
စာရေးမှုကိုတော့ အစဉ်ပြုမြဲပင်။ အချိန်များစွာ မကျန်ပြီ။ စာရေးနေလျှင် သူ့စိတ်သည် လူတို့နှင့် ပို၍ကင်းကွာကာ အန္တရာယ်နှင့် ပို၍ရင်ဆိုင်ရဖို့များတာ မှန်သည်။ သို့သော် စာရေးရမည်မှာ အသက်ရှူထုတ်ရမည်လိုပင်။ တခြားနည်းလမ်းအားဖြင့်သူ အသက်ရှင်နေထိုင်တတ်သည်မဟုတ်။ ဘာအန္တရာယ်ကိုမှတော့ ကြောက်၍ စာမရေးဘဲနေမည်မဟုတ်။ တစ်ဆောင်းဝင်စ သစ်ရွက်များကျချိန်၊ မြေပြင်ပေါ်၌ အနီအ၀ါ ခရမ်းပြာညို ရောင်စုံစို့ကာ သစ်ရွက်လူးလှိမ့်ပြေးဆဲ၊ လေထန်တတ်သော ပင်လယ်စပ်ရွာကလေး၌ ဆောင်းဦးလေသည် အော်ဟစ်ပြေးလွှားကာ ညအခါများမှာ ကျည်ကျည်ပါအောင် အူဆဲ၊ လေကာယပ်များမှာ ကွယ်ပုန်း၍ ပေါက်ရသည့်လူစိုက်သော သစ်ပင်ပန်းပင်ငယ်တို့ ပင်ပန်းဆဲတစ်နေ့မှာ သူသည် လင်သည်ကို ဆရာဝန်ခေါ်စေရပြန်သည်။
သို့သော် လင်သည်နှင့် ဆရာဝန်တို့ပြန်ရောက်လာသော် သူသည်အလုံပိတ်ကာ အခန်းမှာ လွတ်ထွက်ပြီး သူနှစ်လိုရွေးချယ်ရာ မြစ်စပ်သို့ရောက်ခဲ့ပြီတည်း။ လူတို့ရပ်ရွာမှာ ရုပ်ခန္ဒွာပါ လွန်ကျွန်ပြီ။ သူ မျောပါသွားရာ မြစ်ရေအယဉ်သည် သူ့ထက် လျင်မြန်စွာ အရှေ့ကသွားသော လှိုင်းဂယက်တို့ကို ထိုသတင်းပင်လယ်သို့ ပါးလိုက်ကြပြီ။
သည်မှာပင် အတန်ကြာလေပြီ။ သူ နစ်မြုပ်ရာမှာတော့ ဂယက်တို့သည် သိုင်းဝိုင်းထကာ လှုပ်ရှားကြပြီးပြန်တော့ လျော့ပြေငြိမ်သက်သွားသော မြစ်ရေပြင်၌ ခါတိုင်းလို လေသာနှောက်ယှက်သဖြင့် ဂယက်စိပ်စိပ်ထခြင်းသာ ကျန်တော့မည်။ သူ့ယောကျာ်းကတော့ ဒီအဖြစ်ကိုပဲ ကြည်ဖြူစိတ်ထားတယ် ထင်ပါရဲ့၊ ဒါဟာ သူ့ချစ်ဇနီးအတွက် အကောင်းဆုံးစခန်းပဲလို့ ဆိုရမယ်ပေါ့၊ ပူပင်တာတွေ ဘေးဖယ်လို့ ခေါင်းအေးစိတ်ရွှင်နဲ့ တွေးတတ်သူလို့ ဆိုရမှာပေါ့။
" သူကို ကိုယ့်တို့ မနက်ဖြန် မြို့ ပြန်တော့ ကြည့်ပေါ့၊ သူ့မိန်းမ မသေခင်က ရေးတာဟူသမျှ သူက တည်းဖြတ်လေ့ရှိတယ်၊ ခုတော့ တစ်ယောက်တည်း ကျန်ခဲ့ပြီးလို့ နှစ်အတော်ကြာနောက်မှာ သူ့စာအုပ် ထွက်ပြီလေ၊ ဖတ်ချင်ရင် ပို့လိုက်မယ် " ဟု သီက ပြောပြီး ကျွန်မတို့သည် ပုံပြောသော မြစ်ကမ်းစပ်မှ ကားကလေးရှိရာသို့ ထွက်ခွါလာကြလေသည်။
ကြည်အေး
သွေးသောက် မဂ္ဂဇင်း၊ ဒီဇင်ဘာ၊ ၁၉၆၂
ဝတ္တုတိုပေါင်းချုပ်သစ်မှ ကူးယူပါသည်။
( အိမ်ပြန်ကြစို့လား ဂျိမ်းရေ ၏ Facebook Notes မှ တပ်ဆင့်ကူးယူဖော်ပြသည် ။)
Thursday, 2 September 2010
ညှိုးထန်သူ
တငင်ငင်ပင်
ကြင်ချစ်နွမ်းလျ ၊ လွမ်းတမ်းတဟန်
ကမ်းစမြိုင်စပ် ၊ သစ်ရွက်ညပ်သော
တပ်မက်မောရာ ၊ တောခန်းသာမှ
ငှက်ပြာမောက်နီ ၊ မြကျေးအီ၍
ပလီနွဲ့ ချီ ၊ တောင်ယှက်မှီကြ …..
ပီပြင်ပွင့်နှစ် ၊ စံပယ်သစ်လဲ
ကိုင်းဆစ်မြကြား ၊ ငွေကြယ်ပွားပင်
ချော့ဖြားသွေးယူ ၊ လိပ်ပြာကြူမွေး
စိတ်တူချစ်ဆင့် ၊ နှောင်စိတ်ရင့်ခဲ့ …..
သခင့်မေတ္တာ ၊ မယုံသာသော
ကြမ္မာ ဖင့်လေး ၊ နှမထွေးမူ
နှုတ်နှေးစိုးရွံ့ ၊ မမေးဝံ့ဘူး
ပြောအံ့မူးမူး ၊ ကြည်နူးစကား
အားနွဲ့ ထစ်လှ ၊ တစ်ခွန်းစတိုင်း
နှုတ်ဟဟပင် ၊ ဆိုချင်ခဲခက်
နေ့ညဥ့်ရက်ဆက် ၊ တင်းမာရက်ခဲ့
ပင့်သက်ကြာထွေ ၊ လက်ချောင်းရေ၍
ပြေပြစ်နားလည် ၊ သိမြင်မည်လား
မကြည်လင်ပြန် ၊ ညှိုးထန်မည်လား
စောင့်ရည်ဘဝ ၊ ကိုယ်ထီးတသ
မာနကိုးလဲ ၊ ရင်လှိုက်လှဲရ
ဆင်းရဲနာသစ် ၊ အချစ်ဖြစ်သည် ။ ။
ကြည်အေး
( ရှုမဝမဂ္ဂဇင်း ၊ ၁၉၆၉ ၊ ဒီဇင်ဘာ )
Wednesday, 1 September 2010
Friday, 27 August 2010
ကျန်ရစ်သူအတွေး
သူသွားတော့မည်
ပွေ့ချော့ထွေးလည်း ၊ ဝမ်းနည်းရုံမျှ
မှုန်ဝါးမျက်နှာ ၊ မျက်ရည်ကာဆီး
ပြန်လာပါဦး ၊ ခွဲချင်ဘူးကွယ်
မူးယစ်ဝေည ၊ မွှေးထုံသဆဲ
ခဏတွေ့မော ၊ ရင်ခုန်ရောယှက်
ပြောချင်စကား ၊ မေးခွန်းများစွာ
မေ့ကာထားပြီး ၊ ပြန်ချိန်နီးမှ
ငိုညည်းတစ်ဝက် ၊ မမှီလက်ကမ်း
နှုတ်ဆက်ဝိုးဝါး ၊ ပြေးထွက်သွားမှ
တံခါးရပ်မှီ ငေးခဲ့ပြီ ။
သူချန်ရစ်သော
မူးယစ်ဝေည ၊ မွှေးထုံမြခဲ့
အလှမပီ ၊ နွမ်းလျသီသော
နှင်းဆီဝါဝါ ၊ ငုံပြေအာစ
ရင်မှာချွေးလွင့် ၊ ပွင့်ဖတ်နုကို
ယုယခုပင် ၊ စုဆောင်းကောက်ယူ
နမ်းရှိုက်ရှူမွှေး ၊ သူလာခဲ့သော
လွမ်းပုံပြောသည် ၊ စိတ်မောသက်သေ ။
သူ့စကားမူ
ချော့ဖြားပလီ ၊ သီရီတတ်သော
နတ်မိနွယ်လို ၊ ပိုမိုဟုတ်ဘူး
မေ့မူးရစ်ဝေ့
သူ့ကိုယ်ငွေ့မွှေး ၊ နွေးပူတတ်သည်
မျက်ရည်ပုလဲ ၊ သည်းဖိုငိုသည်
ညိုမှောင်ဝင်းလျှပ် ၊ မျက်တောင်ခတ်သည်
ရှတိုက်ရွေ့လျား ၊ တိမ်လွင့်ပါးသို့
ပြန်သွားတတ်သူသာတကား ။ ။
( ကြည်အေး )
ရှုမဝမဂ္ဂဇင်း ၊ ဧပြီ ၊ ၁၉၇၂ ၊ စာ -၁။
တစ္ဆေ
'တစ္ဆေ' ကဗျာမူရင်း (တာရာမဂ္ဂဇင်း အတွဲ ၃ ၊ အမှတ် ၂၀ ၊ ၁၉၄၉)အိပ်လို့မရ
ညကြီးမင်းကြီး၊ ထပြီးထိုင်နေ
မွေ့ရာတွေလဲ၊ ကြေမွတွန့်လိပ်
သိပ်စိတ်ညစ်တယ်၊ သတိပြယ်လွင့်
ခိုတွယ်စရာ၊ အတည်မကျ။
အပြင်ဘက်မှာ
သစ်ရွက်တွေကြား၊ ကြယ်လေးငါးပွင့်
စကားပင်အို၊ ကန်ရေစိုစွတ်
ဟိုမှာလှုပ်လှုပ်၊ ငုတ်တုတ်လက်ကမ်း
စမ်းလျှောက်သွားနေ၊ မြက်ချုံတွေထဲ
တစ္ဆေ ငါကိုယ်တိုင်ပါပဲ။
ခုတင်ခြေရင်း
ဖြည်းနင်းရှပ်ရှပ်၊ မတ်တပ်ထလိုက်
ခန်းဝကိုလာ၊ ဝရန်တာမှာ
သည်မှာတစ်ယောက်၊ တစ္ဆေခြောက်လှန့်
ကြောက်ကြောက်နှင့်ကြည့်၊ မျက်နှာလှည့်စမ်း
တည့်တည့်လှမ်းမြင်၊ အော်ငိုချင်မိ
တဆင်တည်းပဲ သူနှင့်ငါ။
မြစ်နက်ထဲမှာ
ငါ-ရေနစ်မြှုပ်၊ ချမ်းပြီးကုပ်နေ
ကုက္ကိုကိုင်းကြား၊ ငါနေနားလိုက်
ဘုရားရှေ့မှောက်၊ ဒူးထောက်ရောက်ပြန်။
မောပန်းလျနှင့်
တစ်ယောက်သောငါ၊ ငါများစွာမှ
ထလာလွင့်ပါး၊ မောင့်အနားကို
စကားထွေရာ၊ ငိုသံပါနှင့်
ဘာမှမကြား၊ မောင့်အနားမှာ
"ထသွားစို့ဆို၊ မေ့ကိုအိပ်မက်
မမက်ဘူးလား"၊ တစ္ဆေဖြားယောင်း
မှုန်မွှားစိတ်ဝယ်၊ အရိပ်ထင်။ ။
ကြည်အေး
(တာရာမဂ္ဂဇင်း ၊ အတွဲ ၃ ၊ အမှတ် ၂ဝ ၊ ၁၉၄၇)
မြို့လယ်လမ်း
တစ်နွေပူဆဲ
လူထူထပ်သော၊ကွန်ကရစ်တောဟု
စေးချောမြို့လမ်း၊သစ်ရိပ်နွမ်းလျ
စီတန်းရုပ်ရှင်၊ဆူညံယာဉ်ပြေး
ဆင်ဝင်ရှေ့ပေါက်၊တွန့်ကောက်မြွေပတ်
လက်မှတ်တိုးရောင်း၊ပေါင်မုန့်တောင်းကြ
သောင်းပြောင်းရုတ်ရုတ်၊စိတ်ရှုပ်ဒေါသ
ထိုးကြ ကြိတ်ကြ၊ရဲသားစောင့်ရသည်။
တရုန်းရုန်းပင်
ပခုံးထမ်းဟန်၊လက်တွန်းလှည်းတို့
မုန့်ပဲသရေစာ၊ခေါ်အော်ဆူပူ
စားပါ ၀ယ်ပါ၊သည်ကိုလာနော်
လက်မှာလင်ပန်း၊အင်္ကျီနွမ်းနှင့်
မရမ်းချဉ်စပ်၊ဆီးထုပ်ထပ်၍
ကွန်းရှပ်ငါးမုန့်၊ချိုမြုံ့သကြား
ဆားပဲလှော်ရွ၊လစက္ကူကြည်
ဖျော်ရည်သီးချဉ်၊ခွက်ချင်ရောင်းဆဲ
မွန်းလွဲထိန်ညီး၊ချွေးဒီးဒီးယို
မီးလိုဝမ်းစာ၊အေးချင်ရှာကြ။
ဘတ်စ်မှတ်တိုင်၌
ညောင်းထိုင်ခဲ့ပြီ၊လူစည်ကားလှ
ကားတစ်ခြမ်းစောင်း
တွဲလောင်းစီးလာ၊ငါးသေတ္တာသို့
လူတစ်ရာမက၊မတ်တပ်ထလိုက်
ကတ်ကြေးကိုက်နှင့်၊ခါးပိုက်နှိုက်မှ
ခုန်ချလှမ်းတက်၊လုယက်အားခဲ
သွားမြဲခရီး၊နေ့တိုင်းစီးလည်း
မညည်းညူသာ။
သူတောင်းစားမူ
ငါးပြားဆယ်ပြား၊ပေးပါလားရှင်
သနားကယ်ပါ၊စွန့်ကြဲမှာလား
ဆာလောင်ထမင်း၊မျှော်ငေးရင်းက
ရိုးကြွင်းဟင်းကျန်၊တောင်းမြည်ကြံစည်
တေးသီဆိုပြန်၊နူဝဲပြစား
ဘိုးဘွားခါးကျိုး၊ဆိုးမျက်ကန်းရွဲ့
လက်တန်းရွတ်သူ၊ဆုပေးသူတို့
ပေးလှူမလောက်၊ရောက်လာကြမြဲ။
တိုက်နံဘေး၌
အုတ်ဆွေးရေစိမ့်၊မြေအက်နိမ့်စောင်း
ရေပုပ်မြောင်းဟောင်း
ယင်တလောင်းလောင်း
လဲလျောင်းမိန်းမော၊သေငယ်မြောသူ
ရောဂါကပ်မြှေး၊ဆေးနှင့်ဝေးစွ
လမ်းဘေးမှာပျောက်၊အလောင်းကောက်မှ
ရောက်ခဲ့ဆေးရုံ၊ရင်ခွဲရုံသို့
စုန်ဆန်တွင်းပြင်၊ကြောသေးမျှင်တို့
နေ့စဉ်ခွဲစိတ်၊ဆေးကျောင်းသိပ္ပံ
အဖိုးတန်ခဲ့။
ထိုခဏ၌
လှပဖိတ်လက်၊မှနပြိုးပြက်နှင့်
ကားထက်ပြေးဝင်၊စက်အေးချင်ထင့်
ပေါင်ပင်ချုံကြား၊နတ်မယ်ဖွားသို့
သွေးသားရောင်းသူ၊ပြုံးညှို့မြူနှင့်
လူစုံသည့်ဘား၊စပျစ်ခါးကျွန်းမှ
ပန်နုနှုတ်လွှာ၊မျက်ရစ်ပြာနှင့်
ကျဖြာမြိတ်ထုံး၊မြညိုကုံးနှင့်
သလုံးဖြူနု၊ထဘီတိုနှင့်
ကိုယ်ဟန်ကြော့ရွှင်၊ရင်ချီချီနှင့်
ပစ်မှီထိုင်ခုံ၊အိညံ့တုန်မှ
သက်လုံးနွဲ့ နွဲ့ ၊မောပြေခဲ့ဟန်
ခေတ်ရဲ့ ပန်းချီရေးခဲ့သည်။
ကြည်အေး
(ရှုမဝမဂ္ဂဇင်း ၊ ၁၉၅၇ ဇွန် )
ကလေးတို့မိုး
မိုးပုလဲ မိုးပုလဲ
ဓါတ်ကြိုးတန်းမှာ တွဲလဲ
မြရွက်ချွန်းမှာ ခိုဆွဲ
ဇာချဲ့ ပြာလဲ့
နွဲ့တဲ့ မိုးပုလဲ။
မိုးပုလဲလုံး မပီ့တပီ
အပ်နဲ့ပိုးချည် ထိုးကောက်သီ
တစ်လုံးစီ နှစ်လုံးစီ
ရွေးကြစို့ ကိုကို ညီညီ
ပါးအို့နီနီ ညီမပူတူး
လှတဲ့ ၀တဲ့
ကတဲ့ မပူတူး
လည်တိုင်ဆင်လို့ ရပါဘူး။
မိုးပုလဲ မိုးပုလဲ
အိမ်ရှေ့ လမ်းထဲ ဖြန့်ဖြာကြဲ
မြကျောက်မျက်ရွဲ ပန်းသလဲ
တစ်ခဲ နှစ်ခဲ
သုံးလေးငါးခဲ
မိုးသီး မိုးတွဲ စားမြုံချင်
လက်ဝါးဖောင်းမို့ ဖြန့်လို့တင်
ငါးပြားတန်ထင် ဆယ်ပြားတန်ထင်
မချိုမချဉ်
အင့်ဟင် အကြင်သကြားလုံး
ဘယ်မှာ ၀ါးလို့စားလို့ ရသည်တုန်း။
မိုးပုလဲ မိုးပုလဲ
ဖွဲရာမှသည်း
သည်းရာမှမည်း
ပြတင်းပေါက်မှ သွန်းချဆဲ
ပင်လယ်ဆီလည်း လှိုင်းထန်မြဲ
ခြေလှမ်းကျဲနဲ့ ကဲဝင်လာ
စစ်သားခြေထောက်တောင့်ပမာ
ရာထောင်သိန်းသန်း ရွာဖြန်းဖြန်း
တပ်မကြီးနဲ့ ချီလာစမ်းကွ
အမေ့ထီးတခြမ်း ဆီးလို့ကာ
ပုသိမ်ထီးပျက်မလုံရက်ပါ
ဝရန်တာမှာ အတော်လာတဲ့မိုး
ဂျိုးဂျိုးဂျိမ့်ဂျိမ့် သိမ့်တဲ့မိုး
အင်္ကျီချွတ်ပြီး ရေထွက်ချိုးစို့
ကိုအေး ၊ ကိုထွေး ၊ ပူတူး ၊ ကိုတိုး ။ ။
ကြည်အေး
( ရှုမဝမဂ္ဂဇင်း နိုဝင်ဘာ ၊ ၁၉၆၉ )
ပြုံးမျက်ရည်ဖြိုင်အေး
အစဉ်မောပါရ
မကြင်တဲ့သဘောတွေတော့
ပြောမနေနိုင်ပြီမို့
စိတ်ကူးသာအယဉ်ထိုင်မိရဲ့
သံယောဇဉ် သူသူ ငါငါမခိုင်ပြန်တော့
နားနေထိုင်မှိုင်ခဏ
ပန်းလျလေ့ရှိခဲ့တယ်။
ယုံပါရစေရှင့်
လှုံစရာအချစ်ဆိုသည် သည်တစ်လမ်းသာမို့
ညီအကို မသိမှန်းသာတဲ့
ဆည်းပြာမင်ရည်ချမ်းမှာလ
လေမုန်ဆင် သီရမ်းစေဦး
စမ်းလက်ဆန့် တွယ် ။
မိုးတစ်ခါတစ်ခါလင်းပြန်လို့
နိုးလာလာချင်းမှာတော့
ပျင်းတတ်တာ တဒင်္ဂပါပဲ
ဘ၀ကာရန်ရှာမလို့
အလှကဗျာအသာချစ်ရင်တော့
အားသစ်လို့ စိတ်လယ်
ရယ်ချင်သလိုလိုလေး။ ။
စက်ဝန်းရွှေဝါ
ရက်ကန်းချည်ယှက်ဖြာမှ
မိုးပြာသာတဲ့တောဆီက
ဥသြတစ်နွေကျော်လို့
ဖေဇော်ဟန် ကတ္တီပါလွနဲ့
ရာသီလွန်မှုန်ခြယ်သသည်မို့
စိန်ပန်းအခွေခွေ ကရာက
စီးထွေထွေ အပြီးကြွေကျချိန်မှ
နှုတ်စကြည်ဖြူနဲ့
စောင့်သသူ နွဲ့ ပခုံးမှာရှင့်
(စွန့် ၀ံ့ ရင် ဘယ်မှာရှုံးနိုင်လဲ့ သံသရာညည်းညူလို့ မဆုံးစေနဲ့ )
အုံးစက်နိုင်သေးပေလို့
ပြုံးမျက်ရည်ဖြိုင်အေး ။ ။
ကြည်အေး
( ရှုမဝမဂ္ဂဇင်း ၊ နိုဝင်ဘာ ၊ ၁၉၅၅ )
ချစ်သူလိုက်မယ်လား
နှင်းဆီပြာပေါ်သည့်နှစ်မှာလ
နေရစ်ကွယ် ဘယ်သူတားနဲ့တော့
စွန့်စားတယ် ဆိုချင်ဆို
ဖိုဝင်မီ ဇော်ဂျီတို့ကျွန်းလိုပ
ခိုချင်ပြီ ပျော်မည်ထင်တဲ့ကျွန်းဆီသို့
အိမ်တန်းဝင်ချင်ရှာတဲ့
ခြေကျရာ ပျော်သည့်ကြက်လိုပ
အပြီးအခွါ ခက်တာမို့
ခရီးတစ်ခါထွက်မယ်ပြင်။
တောင်ဖြူတန်း
မြူသမ်းရီဝေတဲ့
တောအခြေ မြေတစ်ကွက်
ထင်းရှူးပင် ရင်ပေါင်ယှက်ပါလို့
နေခြည်မှာ သစ်ရည်တက်ချိန်ု၌
ငှက်ဖော်ကွဲဆွေကြင်ခေါ်သတဲ့
မှည့်ပျော်ချုံနွယ်သီး
ချောင်းဆုံမှာ ဗုံငယ်တီးသလိုပ
ရေပလုံ ခုန်ပျံစီးရှာတဲ့
ရွက်နွမ်းကြွေ ရေစပ်အနီးမှာ
ကျူဝါးအိမ်ငယ် မှီးတော့မယ်
ဆီမီးခွက်ဆင်။
ချစ်သူလိုက်မယ်လား
အကြိုက်စံပယ်ရုံ၌
တစ်နေကုန် တုံ့လှယ်စကားတွေနဲ့
အနားမခွါချင်ဘု
မြေလွင်ပြင် ခြေကျင်လျှောက်ကာဖြင့်
ရေညှိမှုန် ဆူးချုံ နှောက်သော်လည်း
လာလမ်း ဘယ်မပျောက်ပါဘု
ဆည်းဆာချိန် အိမ်ပြန်ရောက်မှာပ
ဖျောက်ဆိပ်ကြဲ ဖဲပိုးမိုးပြင်
အိပ်ရာဝင် ပွေ့ထွေး
တစ်လေ တစ်ခါတစ်ရံ
မြ၀န်းငွေခြည်လျှံမှ
ပုရစ်ညံ ရင်ကွဲတို့
မစဲအောင် နွေကြိုယူတော့
ရင်တွင်း ဆူပူလိမ့်
ကျန်ရစ်သူဆွေငယ်ချင်းတို့
စကားတင်း ဆိုလေပြီထင့်
သူတို့ဆီ သာကြည်အေးပါစ
ခြားပင်လယ် ဘယ်လိုဝေးပေမယ့်
မလာချင်ရင် တကယ်ဝေးပေမယ့်
လာချင်ရင် အလွယ်ကလေး
ခရီးနာရီ နှစ်ဆယ့်လေးသာပဲ
ကံဖန်ရင် ပြန်လည်ပြေးချင်လိမ့်မယ်
မျက်ရည်ပါးပြင်နွေးရင်တော့
ချစ်သူကို ပြစ်မယူကြေးပါရှင့်
စိတ်တည်ငြိမ် သိမ်မွေ့အေးသူက
နှုတ်ခမ်းလွှာ နမ်းတစ်ရာမွှေးရယ်နဲ့
ချော့တော့ကွယ်လေး။ ။
(ကြည်အေး)
ရှုမ၀၊ စက်တင်ဘာ၊ ၁၉၇၂
သမီးအလိမ္မာ
မမွှေးထုံ ၊ မမွှေးထုံ
ပါးကွက်ကြားနဲ့ နပ်ခါးမှုန်
မမွှေးထုံ ဘာကြောင့်မွှေး
ရှင်တောင်နပ်ခါး လိမ်းလို့မွှေး ။
မမွှေးထုံ ၊ မမွှေးထုံ
စံပယ်ကုံးနဲ့ ဆံထုံးပုံ
မမွှေးထုံ ဘာကြောင့်မွှေး
တောစံပယ်သေး ပန်လို့မွှေး ။
မမွှေးထုံ ၊ မမွှေးထုံ
နှုတ်ခမ်းပါးနဲ့ ကွမ်းဝါးငုံ
မမွှေးထုံ ဘာကြောင့်မွှေး
စမုံကွမ်းအေး ဝါးလို့မွှေး ။
မမွှေးထုံ ၊ မမွှေးထုံ
နှုတ်ချိုအေးတဲ့ မမွှေးထုံ
မမွှေးထုံ ဘာကြောင့်မွှေး
လိမ္မာရေးခြား သတင်းပြေး
သမီးမြကျေး ကြာညိုသွေး
စိတ်တည်ကြည်လို့ နာမည်မွှေး ။ ။
ကြည်အေး
(ရှုမဝ ၊ ၁၉၇၀ ၊ ဇူလိုင်)
စံပယ်နိုးသော အတိတ်
ကျောင်းဖွင့်ကာစ
သမီးမြကျေး ၊ သူငယ်ချင်းပေးသည့်
ဖွေးနုရွရွ ၊ စံပယ်လှပွင့်
မြပွင့်ကြယ်ပွင့် ၊ ငွေပွင့်နှင်းဖြူး
သင်းမူးယစ်ဝေ့ ၊ ဧည့်ခန်းကွေ့မှာ
"မေမေ့ ... မေမေ့" ၊ ခေါ်၍ဝင်လာ
ရင်မှာပိုက်ပွေ့ ၊ ဆွေ့ဆွေ့ခုန်မြူး
ပျော်ကြူးမဆုံး ၊ ပြုံးလှစ်ဟဟ
သီချင်းစနှင့် ၊ ချိုမြနှုတ်ခမ်း
စံပယ်ပန်းနှင့် အပြိုင် ။
" စံပယ်ပွင့်တစ်ရာ
နှစ်ရာ သုံးရာ ၊ မကပါဘူး
မိုးရာသီ ဦး ၊ စံပယ်ဦးရှင့်
ဦးဦးဖျားဖျား ၊ ခူးဆွတ်အားခဲ "
စကားတီတာ ၊ ချစ်စရာနှင့်
လဲ့ပြာဖိတ်ရွှန်း ၊ ငွေလင်ပန်း၌
ကြဲဖျန်းပုံဆင့် ၊ စံပယ်ပွင့်များ
လက်နှင့်ထိခက် ၊ မကိုင်ရက်ပြန်
မျက်စိအတူ ၊ ချစ်ကြည်ဖြူသော
ဖေတူသမီး
အပျော်ကြီး ပျော်နေသည် ။
စံပယ်ဖြူများ
သဲ့ယူနမ်းရှိုက် ၊ သမီးလှိုက်လှဲ
ရယ်ပွဲဖွဲ့ ရွှင် ၊ ကလေးသွင်တည့် ။
ရင်ခုန်ထိတ်ထိတ် ၊ အတိတ်ဝေးဝေး
ငယ်ရွယ်သေးက
ပြစ်မှေးမထင် ၊ ဖြူစင်ဆဲကို
ခွဲခွာရသူ ၊ ချစ်ဦးသူဟု
ပူပြင်းနေခြည် ၊ ထိမိသည်ကို
ပြန်လည်စိုးရွံ့ ၊ မတွေးဝံ့ဆဲ
ပျံ့ မူးစံပယ် ၊ သမီးငယ်မူ
ပြုံးရယ်တည့်တည့် ၊ လှမ်းကာကြည့်ပြီး
မသိပျော်မြူးဆဲပင် ။ ။
(ကြည်အေး)
( ရှုမဝ ၊ ၁၉၇၁ ၊ သြဂုတ်)
ဘဝကူး
မိုးရွာပြီးစ
မြေကြီးညံ့သိပ် ၊ တိမ်ရိပ်မှောင်ဖျော့
ညွှတ်ကော့သစ်ရွက် ၊ ရေစက်စက်အောက်
မိုးသက်လေမှာ မေတစ်ယောက်တည်း ။
မြစ်ရေစပ်၌
မတ်ရပ်တောင့်တင်း ၊ ရင်ဟင်းလင်းဟ
ငွေကွင်းဂယက် ၊ ခြေကိုပတ်မှ
ပင့်သက်ရှိုက်ငင် ၊ လျော့ဆံပင်လည်း
လေတွင်ပြေသွား ၊ လွင့်ပါးလိုက်တာ။
လူရိပ်ရေးရေး
ကလေးငိုသံ ၊ တေးဆိုဟန်လို
အသံဗလံ ၊ မြစ်ရေလျှံမှာ
စုန်ဆန်မျောစီး ၊ တီးတိုးညည်းလာ
အနီးကပ်ခေါ် ၊ လိုက်ခဲ့ခေါ်လို
ရမ်းရော် စိတ်ညစ် ၊ မူးရစ်ရစ်မြင်
ပြောင်းသစ်မြို့ ရွာ တစ်ဘက်ကမ်း ။
သတိဝေ့လည်
မေ့လျော့ဖြည်းညင်း ၊ ရေကိုဆင်းပြီး
စမ်းနင်းလျှောက်ခဲ့ ၊ ကျောက်ပဲ့ရွဲ့ စူး
မူးနစ်မွန်းနောက် ၊ လွယ်ကူရောက်သည်
ရေအောက်ဖြတ်လမ်း တိတ်တခိုး ။ ။
(ကြည်အေး)
တာရာ မဂ္ဂဇင်း ၊ အတွဲ ၃ ၊ အမှတ် ၁၈ ၊ ၁၉၄၉
အို လွမ်းသူရယ်
အို လွမ်းသူရယ်
ပြုံးမူပျက်၍ ၊ မျက်ရည်ဝေ့နှင့်
မေ့လျော့သနှင့် ၊ စိတ်လုံးလွင့်သည်
ကြွေရင့်မည်နှယ် ၊ တအားငယ်သည်
ဘယ်သခင့်တွက် ဖြစ်သနည်း ။
ပြတင်းဝဝယ်
ငြိမ်လှလွန်းသည် ၊ ကျောက်ရုပ်တည်သို့
မှုန်ရည်နွမ်းအောင် ၊ စိတ်ယမ်းယောင်နှင့်
ကြောင်၍ရပ်နေပါတကား ။
ရင်မှပွင့်သည်
ကြောက်ချင့်စဖွယ် သက်ပြင်းများ ။
လေဝယ်လွင့်သည်
ညိုရင့်ဆံပင် ရွှေမြှင်လှိုင်း ။
သည်နှစ်ခုသာ
လွမ်းသူ့ပတ်လည် ၊ လှုပ်ရှားသည်တည့် ။
အို လွမ်းသူရယ်
ပူသည်ကိုဖျောက် ၊ ကြောက်သည်ကိုပယ်
စိတ်ဝယ်မလျော့ စောင့်ဦးတော့လော့ ။
တစ်နေ့နေ့မှာ
တွေ့မည်ရွှင်ချို ၊ သခင်ကိုတည့်
မေ့ကိုမုန်းထား ၊ အဝေးသွားလည်း
လွင့်ပါးမရှည် ၊ ပြန်ခဲ့သည်က
စောင့်သည်တွေ့မူ ၊ ချစ်စိတ်ဆူနှင့်
လွမ်းသူရှေ့ မှောက် ၊ သူဒူးထောက်လိမ့် ။
သည်အခါမှာ
ကြာနှုတ်အပြုံး ၊ ဖြူနှလုံးနှင့်
မရုန်းမပယ် ၊ ငိုတရယ်လျှင်
စင်ကြယ်ခွင့်လွှတ် ၊ ချစ်သက်မှတ်ကို
ကြည်ညွတ်ချပန် ၊ သခင်ပန်က
ပြန်လည်လိုလိုက် ၊ ချစ်သူမိုက်ကို
ထွေးပိုက်ပါယူ ၊ အိုလွမ်းသူရယ် .... ။ ။
(ကြည်အေး)
တာရာမဂ္ဂဇင်း ၊ အတွဲ ၂ ၊ အမှတ် ၆ ၊ ၁၉၄၈
Thursday, 26 August 2010
နိဗ္ဗာန်လမ်းဆုံး
သန်းယံကျော်၍
အိပ်ပျော်ရာမှ ၊ လန့်နိုးထခဲ့
ညမှောင်တိုးဝင် ၊ ပြတင်းပြင်၌
ငွေစင်ကြယ်ငွေ့ ၊ ရှာမတွေ့ နိုင်
မေ့ကျန်ပျောက်လွင့် ၊ လခြမ်းပင့်ပြန်
ငါနှင့်ငါသာ ၊ အဖော်ပါသော
ရှည်ကြာဘဝ ၊ ပျင်းမောလှရဲ့
ယောင်တကိုယ်ထီး ၊ မပြတ်ညည်းညူ
ရုံးစည်းမနိုင် ၊ တွေမှိုင်ပန်းယဲ့
လှမ်းနွဲ့ခြေဖြည်း (ဖြေး) ၊ ကိုယ်စိတ်လေးစွ
အဝေးရွာသို့ မျှော်မိ၏ ။
အပူအေးထင့်
အဝေးရွာ၌ ၊ ကြာရှည်နှစ်ပြောင်း
ဆောင်းဝင်ကုန်ကျွန်း ၊ နွေဆန်းတော့မည်
ဖျော့ရည်မိုးတိမ် ၊ လေရူးငြိမ်ဆဲ
အိမ်ယာမတည် ၊ ဥသြသည်မှာ
သံရှည်သံတို ၊ ရာသီကြိုခဲ
ဟိုမှာကြောင်းခြင်း ၊ သူငယ်ချင်းတို့
သတင်းစိုးစ ၊ မပါးကြဘူး
ဘဝဆုံးက ၊ နိဗ္ဗာနပင်
အေးမြခဲ့ပြီ ဆိုရမည် ။
ချစ်၍ပျိုးသည့်
မိုးနှင့်လန်းရွှင် ၊ မောင့်ပန်းပင်ကို
မြင်ပြန်ခဏ ၊ ကြင်ယုယချင်
ပင်မ ရင့်သန် ၊ ဖူးတံငုံပွင့်
ပြုံးဆင့်တိုးထွက် ၊ ညွန့်ကိုင်းခက်တို့
ချက်မက်ပြေခဲ ၊ ချစ်မရဲခဲ့
စွန့် ခွဲရက်မှ ၊ ရောက်လွတ်ရသော
ဘဝချုပ်ငြိမ်း ၊ ဇာတ်ဆုံးသိမ်းရာ
တိမ်းမူးနီးစပ် ၊ လမ်းခုလတ်မှ
မျက်ပြတ်လမ်းစ ၊ ကျွန်ပြန်ရ၏
ကြွေကျလေလွင့် ၊ နှင်းဆီပွင့်တူ
သခင့်ရင်ခွင် ၊ တိုးခွေ့ဝင်၍
ပွေ့  အင်စိတ်နှင့် ၊ တစ်ခန်းလင့်ပြန်
ရဲရင့်မနိုင် ဝေသေးသည် ။ ။
ကြည်အေး
( မြဝတီမဂ္ဂဇင်း ၊ သြဂုတ် ၊ ၁၉၆၂ )
အချည်းနှီးပိတောက်
လှလိုက်တာကွယ်
ဝင်းဝါထိန်ရဲ ၊ ဆုပ်ခဲရွှေငုံ
စုပြုံပွင့်ကြ ၊ ပေါ်ဦးစရှင့်
လှ ၊ လှပါဘိ ၊ နှုတ်ခမ်းဖိကပ်
နမ်းမိ ချစ်မိ ၊ ပိတောက်နွယ် ။
ပိတောက်ဦးမို့
ယစ်မူးတသ ၊ နှမြောလှရဲ့
ဘ၀ချစ်သူ ၊ မိုက်မှာယူထင့်
မလှူရက်ဖူး ၊ တပ်မက်ဦးမည်
ဆုထူးမဆင် ၊ ဘုရားမတင် ။
ပိတောက်ပွင့်နွယ်
ရင်ဝယ်ပွေ့ပိုက် ၊ ၀မ်းမြောက်လှိုက်လှဲ
အိမ်ထဲပြေးခဲ့ ၊ ကြည့်ပါလှဲ့ဦး
မောင့်ရဲ့အနား ၊ စကားစလဲ
ပြုံးမြဲလျက်ပင် ၊ မောင်မမြင် ။
မောင်မမြင်၍
ငိုချင်ထွက်ခဲ့ ၊ ငဲ့မကြည့်တော့
ညွတ်ကော့မြိတ်စက် ၊ အိမ်ပြင်ထွက်၍
သင်းညက်ပျံ့လှိုင် ၊ ပိတောက်ခိုင်ကို
ပွေ့ကိုင်ရပ်ဆဲ ၊ မိုးဖွဲဖွဲမှ
သဲမဲကြမ်းရိုင်း ၊ မုန်တိုင်းရမ်းလဲ
မဆန်းကြယ်ဘူး ထင်မိ၏ ။ ။
(ကြည်အေး)
မြစ်လယ်မှာ ချစ်လှယ်တုန်းက
မြစ်ရေပြင် လှေလူးလို့
ချစ်ဦးမယ်နှင့်မောင်
ပန်းခူးရအောင်။
လမင်းကလှောင် ၊ ကြယ်ရောင်ကပြုံး
ညဥ့်ဦးကဗျာတည်တဲ့
ငှက်ပလီ ချုံနွယ်ရိပ်မှာ
တိတ်တိတ်ကွယ်ပုန်း။
လေအေးကခုန်ပြန်
ကြင်ဦးရင်မှာမှီလို့
ဆိုတေးစီ မြစ်တစ်ကြောမှာ
စိုးတဲ့အသံ။
လှပသည့် ကာရန် ၊ ပန်းမန်မှာနား
လ၀န်းတိမ်မှာကွယ်တော့
မြစ်လယ်မှုန်ဝါး။
လ၀န်းတိမ်မှာကွယ်
မြစ်ယံလယ် မှုန်တ၀ါးမှာ
ရှက်အားကကြွယ်။
တတ်ရေးဆန်းကြယ်
ကမ်းစွယ်ရိပ်အကွေ့
ကြက်သီးတလှိုင်လှိုင်ပ
မယ့်သက်ပိုင်ချို နှလုံးရယ်
ပြုံးတထေ့ထေ့။
ကမ်းဆီကို ၀ိုက်ကွေ့လို့
တရွေ့ရွေ့ စိုက်လာ
ယက်ပန်းကဖွာ ။
ရွာဦးမှာ၊ သာစေတီမြတ်မြင့်မား
ဗျာဒိတ်တလွင်လွင်မို့
လည်ရှက်တင် ပုံတော်သစ်ရအောင်
ချစ်သက်သေထား ။ ။
(ကြည်အေး)
(တာရာ ၊ အတွဲ ၁ ၊အမှတ် ၅ ၊ ၁၉၄၇)
မိုးတိမ်ကိုမှာ
တစ်ကိုယ်ငေးမိရဲ့
အတွေးဟိုသည်ခုန်လို့
နွေအကုန် ကဆုန်ကူးရင်ဖြင့်
ရူး မိမိ ဘ၀င်မှာ။
အို နီလာလို ကြည်ပြာခိုးမှာ
တိမ်ခိုးတွေညှိ့
စိမ့်သည်းလှိုက်ဖို အလိုလို
စာဆို မျက်ရည်စို့မိပေါ့
တစ်မြို့နေ တစ်မြေဖွားပေမို့
ပြစ်မယူ ချစ်သူသွားပေအုံ့
သနားကြင်နာပိုနဲ့
စကားထင်ရာဆိုမိတော့
သည်မယ်လို တငိုတမ်းရယ်နဲ့
သူလည်လေ ပူဝေနွမ်းပေလိမ့်မယ်
မောင့်ဌာနီ မြောက်ဆီလွမ်းပါက
လှမ်း မျှော်မိပါ ။
ကြာကြာလေ အနေဝေးသော်လည်း
အတွေးချင်း ဖြင့်နှစ်ကိုယ်ဆုံ
ချိုမြအပြုံး ကြင်မဆုံးသူမို့
စိတ်လုံးမယ်သာပုံခဲ့
ယုံသူကို ဆုံတူတွေ့ချင်လို့
တိမ်ပွေပွေ လေအဝေ့မှာ
မြောက်မြေဆီ အောက်ခြေ ရွှေ့ပြန်တော့
သည်မေ့သခင်ကိုဖြင့်
တမြင်မြင် မြင်ယောင်မှန်းနေလို့
ခင်းသာရင်ရွာစဉ်တန်းကိုဖြင့်
လှမ်းလိုက်ပါ တိမ်ပြာရယ်လို့
အမှာ လက်ဆောင်ပါး ။
မယ့်ကိုယ်စားသွားရှာတဲ့ တိမ်ညို
မြောက်ဆီကို ပြိုပေါ့
စိုစိုရွှဲရွှဲ မိုးပေါက်တွေကြဲလိမ့်
တသဲသဲလေ ညိုမည်းပေါ့ဝေဟင်လုံး
မိုးဟန်ပြင်ဆုံးနိုင်ဘု
ပြုံးမိနေစဉ်
အိပ်မက် တယဉ်ယဉ်ပေါ့
သည်ဗွေမှာ ထွေရာတွေးပါမိ
မေးရှာလိမ့် သူလည်းလေ
"မိုးဆွေ ရယ် ညှို့နေလျရာက
လွမ်းမောင်ကို ပန်းအောင်တလေသလား " လို့
တိမ်မြပြာ မိလ္လာနှောရယ်က
စကားလွှာ မှာကြားတဲ့သဘောကို
ပြောနိုင်ပါ့မလား ။ ။
(ကြည်အေး)
( တာရာမဂ္ဂဇင်း ၊ အတွဲ ၂ ၊ အမှတ် ၄ )
နှုတ်နှေးခဲ့သည်
မောင်နှင့်တွေလျှင်
ချမ်းမြေ့ပျော်လည်း ၊ သူဝမ်းနည်းပြန်
မသဲမကွဲ ၊ နှစ်ယောက်ထည်း (ထဲ) ပင်
မိုးဖွဲနုညက် ၊ ဆံနွယ်ခက်ကြား
တစ်စက်တစ်စက် ၊ လျောသက်တွယ်ခို
ညိုညိုလဲ့မှောင် ၊ ကော့မျက်တောင်မှ
ဝေ့ယောင်သီဝဲ ၊ မျက်ရည်ပဲလား
မသဲမကွဲ ၊ မိုးရေပဲလား
ဆိုရဲခက်ခက် ၊ မမေးရက်လို့
ပင့်သက်ပူနွေး ၊ မှိုင်မောငေးဆဲ
နွဲ့ထွေးနှမ ၊ ပြုံးအေးမြတော့
နောင်တ နောက်ကျရပြန်သည် ။ ။
(ကြည်အေး)
(ရှုမဝမဂ္ဂဇင်း ၁၉၇၀ ဇူလိုင် ၊ 'မြနန္ဒာပြောချင်သေးသည်' မှ )
မေ့မည်ထင်သည်
( Mya K Myint ၏ The Decision)
မောင့်လွမ်းဖက်သို့
နံနက်စောသီ ၊ နှင်းရည်ညို့မှုန်
သစ်ဆုံနုသစ် ၊ ပုရစ်ငုံလဲ့
ရွက်နွဲ့ကြားမှ
စကားတွတ်တီ ၊ ငှက်တေးသီလျှင်
ပီပြင်လှသော ၊ မအံ့သြနှင့်
မောင့်တောအုပ်က လွှတ်လိုက်သည် ။
လှဝင့်ဝါရွက်
နန္ဒာနှမ ၊ ကိုယ်တည်းညဦး
ပပငွေရည် ၊ မြခြည်လက်ရွှန်း
ပက်သွန်းယိုကျ၊ ပြတင်းဝ၌
နှင်းထပက်ဖျန်း ၊ မှုန်ခိုးသန်းလျှင်
ချမ်းမြလွန်းသည် ၊ လွမ်းခက်မည်လို့
တန့်ဆည်ခန်းဆီး ၊ ဇာမြီးဖြာခက်
မကာရက်နှင့်
ပင့်သက်ငွေ့လွင့် ၊ မောင်လွှင့်သည်ပင် ။
နေရှိန်ဝင်းဝင်း ၊ နေ့ကြည်လင်းမူ
ဖန်ဆင်းလိုက်သော ၊ နှင်းဆီတော၌
မက်မောရိပ်သာ
မောင်လာချင်လည်း ၊ လာခက်ခဲ၏
လက်တွဲသိမ်းပွေ့ ၊ ကြည်မွေ့ခေါ်ငင်
မက်မောခင်မည် ၊ မထင်ဝံ့စား
စကားမသွက် ၊ ဖွင့်ဟခက်ခဲ့
မြေအက်ကြားမှ ၊ မြက်ပွင့်မျှသာ
နှမတစ်နေ့ မေ့ရစ်မည် ။ ။
(ကြည်အေး)
နံနက်စောသီ ၊ နှင်းရည်ညို့မှုန်
သစ်ဆုံနုသစ် ၊ ပုရစ်ငုံလဲ့
ရွက်နွဲ့ကြားမှ
စကားတွတ်တီ ၊ ငှက်တေးသီလျှင်
ပီပြင်လှသော ၊ မအံ့သြနှင့်
မောင့်တောအုပ်က လွှတ်လိုက်သည် ။
လှဝင့်ဝါရွက်
နန္ဒာနှမ ၊ ကိုယ်တည်းညဦး
ပပငွေရည် ၊ မြခြည်လက်ရွှန်း
ပက်သွန်းယိုကျ၊ ပြတင်းဝ၌
နှင်းထပက်ဖျန်း ၊ မှုန်ခိုးသန်းလျှင်
ချမ်းမြလွန်းသည် ၊ လွမ်းခက်မည်လို့
တန့်ဆည်ခန်းဆီး ၊ ဇာမြီးဖြာခက်
မကာရက်နှင့်
ပင့်သက်ငွေ့လွင့် ၊ မောင်လွှင့်သည်ပင် ။
နေရှိန်ဝင်းဝင်း ၊ နေ့ကြည်လင်းမူ
ဖန်ဆင်းလိုက်သော ၊ နှင်းဆီတော၌
မက်မောရိပ်သာ
မောင်လာချင်လည်း ၊ လာခက်ခဲ၏
လက်တွဲသိမ်းပွေ့ ၊ ကြည်မွေ့ခေါ်ငင်
မက်မောခင်မည် ၊ မထင်ဝံ့စား
စကားမသွက် ၊ ဖွင့်ဟခက်ခဲ့
မြေအက်ကြားမှ ၊ မြက်ပွင့်မျှသာ
နှမတစ်နေ့ မေ့ရစ်မည် ။ ။
(ကြည်အေး)
Wednesday, 25 August 2010
စောင့်ခေါ်ပါမောင်
ကြည့်စမ်းသည်မှာ
မြက်ပြာတောက ၊ သဲဖြူရွခင်း
အမြှင်ပိုက်ကွေး ၊ လမ်းကလေးလေ ။
လမ်းလျှောက်လို့လာ
မေ့မှာနွမ်းယဲ့ ၊ ကြောက်အားနွဲ့ပြီး
ငိုမဲ့ချင်တုန်း ၊ အတင်းပြုံးလဲ
ခွေနုံးပါပြီ ၊ ဖော်လဲမှီနိုင်
ဟိုဆီချိုး၍ ၊ သည်မှာကွေ့ခဲ့
ဖြည်းရွေ့ လျှောက်လာ ခုထိပါကွယ် ။
ပုရစ်ပေါ်လို့
ရွက်ရော်ရွှေလိပ် ၊ မြေဝယ်အိပ်ပြီး
တိုးတိတ်ငှက်ဖို ၊ သီချင်းဆိုစဉ်
သစ်ကြိုကိုင်းကြား ၊ ငုံ့လျှိုးတွားခဲ့
မြသားမိုးမြေ ၊ ပူသည့်နေအောက်
နွေပွင့်ကိုခူး ၊ နွေလေရူးမှာ
နွေဦးကိုလဲ တွေ့ခဲ့ပါရဲ့ ။
သစ်ညွှန့်ထွက်၍
ရှုပ်ရှက်လမ်းမှာ ၊ မြရွက်ကာဆီး
နွယ်ညှာကိုစမ်း ၊ မမြင်ကန်းနှင့်
တိမ်ပန်းလျှပ်စက် ၊ မှောင်မှာပြက်တုန်း
လေသက်မုန်တိုင်း ၊ သစ်ကိုင်းကျိုးကျွတ်
ပစ်ခတ်ထက်ချွန် ၊ ငွေမြှားတံတွေ
သည်းထန်မိုးကို တိုးခဲ့တယ်မောင် ။
မိုးတိမ်လေးတွဲ့
လေအေးမြောက်ပြန် ၊ နှင်းသွန်ဆို့ပိတ်
ကိုင်းထိပ်သစ်ပင် ၊ ညို့ ညို့ မြင်ရ
ပင်ပေါ်ပန်းပွင့် ၊ ဆောင်းလေသင့်မှာ
ရှူပင့်သက်ဖို ၊ မေ့တစ်ကိုယ်လေ
စွတ်စိုချမ်းတုန် ၊ နှင်းမှုန်မှုန်တို့
ဖုန်သည့်လမ်းမှာ ပန်းခဲ့ပါ့ရှင့် ။
လက်ကမ်းပါမောင်
ညင်သာမှေးပွေ့ ၊ အဖော်တွေ့ကြောင့်
ဆွေ့ဆွေ့ခုန်ပေါက် ၊ လမ်းဆက်လျှောက်မယ်
နှစ်ယောက်လက်တွဲ ၊ တအားပဲဟင်
သဲလမ်းကျဉ်းကျဉ်း ၊ လမ်းလျှောက်ရင်းကို
သီချင်းကြော်ကြော် ၊ အော်ဆိုရအောင်
ချိုမြမျက်ရည် ၊ ပျော်လို့လည်မိ
သည်လမ်းအဆုံး ၊ တုံးမှတ်တိုင်ထိ
ပွေ့ကိုင်ဖေးကာ ၊ စောင့်ခေါ်ပါနော် ။ ။
ကြည်အေး
( ရှုမဝမဂ္ဂဇင်း ၊ မေ ၊ ၁၉၄၉)
သစ္စာသစ်
ပလူပျံများ
တောင်ပံလက်လက် စက်ရဟက်သို့
ဖျတ်ဖျတ်လှည့်လူး မြူးထူးရွရွ
ဖူးမြနီယွန် ဖြူခြည်သွန်သော
မီးပြွန်ပူငွေ့ တိုးညှပ်ဝှေ့ ကြ
ကြွေရွေ့လျောလဲ လေကြောဆန်၍
ပျံသန်းကြသော ဥာဥ့်ပုံပြောသည့်
တောစံပယ်ပွင့်များပမာ။ ။
ရစ်လည်ရစ်လည်
ဇာချည်ကြောလျှင် ပန်းရွက်ဆင်တည့်
ငွေသင်တောင်ပံ ကျွတ်လွင့်ပျံမှ
သမံတလင်း မှုန်မှုန်ခင်းကြ
ခုန်ဆင်းကျန်ရစ် ပလူသစ်မှ
ပြောင်းဖြစ်ဘ၀ ပရွက်လှမူ
ရွရွပြေးကာ ရွာသစ်ရှာ၏။ ။
ရှေးကဆိုရိုး
ပိုးဖလံမျိုး မီးကိုတိုးသတဲ့
မောက်ဖြိုးရွှေတောင် မြိုက်လောင်ပူနွေး
မီးငွေ့ပေးမှ အသက်ရရှိ
ကျွန်မချစ်မြဲ သံသာဝဲမှ
ခွဲထွက်ချင်ဘူး တက်မက်ဦးမည်
စိန်ခြူးကြယ်တန်း
လခြမ်းလ၀ိုင်း ညတိုင်းမြင်ချင်
ရွှေစင်နေ၀န်း ဆည်းဆာကွန်းမှ
ပေါ်ယွန်းစေ့စေ့ နေ့တိုင်းတွေ့ချင်
ထွေးပွေ့လင်သား သမီး သား မြေး
စကားနှစ်သက် မိတ်ဆွေဖက်ဟု
မက်မောဘ၀ တစ်ခဏလဲ
အလှရှာဖွေ အဖြေတွေ့သော်
မွေ့လျော်ငြိတွယ် သေမျိုးနွယ်လဲ
ရယ်ရွှင်ဝံ့စား ငါလူသားဟု
တရားထွန်းသစ် သတ္တိဖြစ်၏ ။ ။
ကြည်အေး
( ရှုမဝမဂ္ဂဇင်း ၊ မတ် ၊ ၁၉၇၁)
Thursday, 12 August 2010
Subscribe to:
Posts (Atom)