Thursday, 26 August 2010

မေ့မည်ထင်သည်


( Mya K Myint ၏ The Decision)

မောင့်လွမ်းဖက်သို့
နံနက်စောသီ ၊ နှင်းရည်ညို့မှုန်
သစ်ဆုံနုသစ် ၊ ပုရစ်ငုံလဲ့
ရွက်နွဲ့ကြားမှ
စကားတွတ်တီ ၊ ငှက်တေးသီလျှင်
ပီပြင်လှသော ၊ မအံ့သြနှင့်
မောင့်တောအုပ်က လွှတ်လိုက်သည် ။

လှဝင့်ဝါရွက်
နန္ဒာနှမ ၊ ကိုယ်တည်းညဦး
ပပငွေရည် ၊ မြခြည်လက်ရွှန်း
ပက်သွန်းယိုကျ၊ ပြတင်းဝ၌
နှင်းထပက်ဖျန်း ၊ မှုန်ခိုးသန်းလျှင်
ချမ်းမြလွန်းသည် ၊ လွမ်းခက်မည်လို့
တန့်ဆည်ခန်းဆီး ၊ ဇာမြီးဖြာခက်
မကာရက်နှင့်
ပင့်သက်ငွေ့လွင့် ၊ မောင်လွှင့်သည်ပင် ။

နေရှိန်ဝင်းဝင်း ၊ နေ့ကြည်လင်းမူ
ဖန်ဆင်းလိုက်သော ၊ နှင်းဆီတော၌
မက်မောရိပ်သာ
မောင်လာချင်လည်း ၊ လာခက်ခဲ၏
လက်တွဲသိမ်းပွေ့ ၊ ကြည်မွေ့ခေါ်ငင်
မက်မောခင်မည် ၊ မထင်ဝံ့စား
စကားမသွက် ၊ ဖွင့်ဟခက်ခဲ့
မြေအက်ကြားမှ ၊ မြက်ပွင့်မျှသာ
နှမတစ်နေ့ မေ့ရစ်မည် ။ ။


(ကြည်အေး)

2 comments:

  1. can't help sharing in my FB:)

    ReplyDelete
  2. မြေအက်ကြားက
    မြက်ပွင့်မျှသာ
    သူလည်းတနေ့မေ့ရစ်မည်။

    ReplyDelete